வியந்தே போகிறேன் உன்னை எண்ணி
என்னுள் அல்லவோ இருக்கிறாய் - பின்
இயைந்து செயல்பட மறுப்பதென்ன ?
கண்ணால் காண முயலும் முன்
பாய்ந்து அதனைப் பார்க்கின்றாய் !
பண்பட்ட மனம் அதனிடமே
பாசாங்கினைப் பொழிகின்றாய் !
உன் வேகப் போக்கை நான் அறிவேன்
எனினும் ஏய்க்க இயலவில்லை என்ன விந்தை?
இன்பத்தைத் தருவாயெனில் ஆனந்தமே - அட !
துன்பமும் உடனல்லவோ தருகின்றாய் !
தன்னலம் தலைத்தூக்க உணர்கிறேன்
என்செய்வது நான் மகானில்லையே !-
சுயநலம் எந்தன் சிறு குழந்தை !!!
திசையறியாமல் திணறும் என்மேல்
வசைபாட முயலும் பல்வகையோரின்
தீக்குணம் தான் தெரிந்ததன்றோ ? -பின்
வீண் கவலையதனைச் சேர்ப்பாயேனோ என்னிடத்தே?
தடங்கல் வருமிடத்தே தடுத்திடுவாய்- அதுபோதும்
விளி தங்கிடும் என்னிடம் தன்னாலே !- மீறி
மாயையால் என்னை மயக்காதே !
உடன்வர அழைக்கிறேன் தினம்தினமே
ஊசலாடுகிறாய் ஏனோ அங்குமிங்கும் ?
விலக்க என்னால் முடியாது - உன்னை
விளக்கவும் என்றும் இயலாது !
குறைத்திடுவாய் உன் வேகம்தனை
குறை தீர்த்திடுவாய் உடனிருந்தே - என்
நினைவலையே அலைபாயாதே நீ !!!
சுயநலம் எந்தன் சிறு குழந்தை !!!
திசையறியாமல் திணறும் என்மேல்
வசைபாட முயலும் பல்வகையோரின்
தீக்குணம் தான் தெரிந்ததன்றோ ? -பின்
வீண் கவலையதனைச் சேர்ப்பாயேனோ என்னிடத்தே?
தடங்கல் வருமிடத்தே தடுத்திடுவாய்- அதுபோதும்
விளி தங்கிடும் என்னிடம் தன்னாலே !- மீறி
மாயையால் என்னை மயக்காதே !
உடன்வர அழைக்கிறேன் தினம்தினமே
ஊசலாடுகிறாய் ஏனோ அங்குமிங்கும் ?
விலக்க என்னால் முடியாது - உன்னை
விளக்கவும் என்றும் இயலாது !
குறைத்திடுவாய் உன் வேகம்தனை
குறை தீர்த்திடுவாய் உடனிருந்தே - என்
நினைவலையே அலைபாயாதே நீ !!!
No comments:
Post a Comment