தொலைந்து விட்ட நான் .....

உலகமெங்கும் உன்னதம் பெறுகிறேன்!

உல்லாசமாக உலா வருகிறேன்!

உயிராய் உணர்வாய்த் திகழ்ந்தேன் அன்று

உருவின்றி விட்டாய் என்னை நீயோ இன்று!

தன்னிகரில்லாதவள் என்று பலருரைக்க- நானோ 

தனிமைப் படுத்தப் பட்டதேனோ இவ்விடத்தே??

மனிதா!! மன்றாடுகிறேன்!!

பரப்பக் கேட்கவில்லை என்னை நான் 

பகரக் கேட்கிறேன் உந்தன் நாவால் அனுதினமும்!

தமிழ் எந்தன் பெயர்- மீண்டும் 

தழைக்கச் செய்வாய் என்னை உந்தன் மண்ணிலே

தலைசிறக்கச் செய்கிறேன் உன்னை விண்ணிலும்!